Wednesday, July 22, 2015

Photo by Lar Angeles

(2nd Update) Itiniwalag ni Ka Eduardo Manalo, Executive Minister ng Iglesia ni Cristo ang sariling Ina at Kapatid matapos ang pagkalt ng Video ng huli sa youtube na nagsasabing nasa panganib ng mga banta ang kanilang buhay ng kanyang ina subalit hindi malinaw kung kanino nanggaling ang banta.

Read:NAKABABATANG MANALO NG INC NANAWAGAN NG TULONG, MAY BANTA DAW SA KANILANG BUHAY | RADIO TAGKAWAYAN


Sa isang news conference, inihayag ang nakatakdang pagkakatiwalag nina Nathaniel "Angel" Manalo at ina nitong si "Tenny" sa pamamagitan ni INC General Evangelist Bienvenido Santiago ayon sa ulat ng Rappler.com-July 23.


"Masakit man sa loob ng Kapatid na Eduardo Manalo ay ipinasya nila na itiwalag yung mga lumilikha ng mga pagkakabaha-bahagi sa Iglesia. Kaya sa mga pagsambang isasagawa ng Iglesia ni Cristo, simula sa araw na ito ay ipaaalam iyon sa lahat ng kapatid," 
Itinanggi rin ni Santiago ang nilalaman ng Video ni Angel Manalo na humihingi ng tulong sa kanilang mga kapatid sa Iglesia. Nais lamang daw ng dalawa na makakuha ng simpatya para makabalik sa kapangyarihan sa Iglesia.


Ilang oras matapos ang press conference, isang report mula sa Rappler.com na nagpapakita ng mga larawan ng hindi makilalang tao ang naglalabas ng FLASH SIGN na may nakasulat na "Tulong, Hostage kami" mula sa isang building na pag-aari ng INC sa Tandang Sora, Quezon, City.

Dalawang beses daw inilabas sa bintana ng gusali ang mga signage sa pagitan ng alas 11 ng umaga at alas 12 ng tanghali.











EDUARDO MANALO ITINIWALAG ANG SARILING KAPATID AT INA SA IGLESIA

Screen grab from Youtube

Sa pamamagitan ng video na nakapost sa Youtube, humingi ng tulong ang nakababatang kapatid ni G. eduardo Manalo,kasalukuyang Executive Minister ng Iglesia ni Cristo na si Angelo Manalo.Sa kulang-kulang dalawang (2) minuto na video sinabi nito na may panganib sa kanilang  buhay.
"Nananawagan po kami sa inyo dahil nanganganib po ang aming buhay. Sana'y matulungan niyo po kami."


Maririnig din sa Video ang boses na di umano ay ang kanyang ina na nagsabing may mga ministro rin ang dinukot at hindi pa natatagpuan.

"Ako'y nananawagan sa aming mga kapatid sa Iglesia na tulungan ninyo kami dahil may panganib sa aming buhay. Saklolohan niyo ang aking mga anak, si Angel at Lottie at ang kanilang mga kasama. Tulungan niyo rin ang mga ministro na dinukot at hanggang ngayon ay hindi pa nakikita. Kaawaan natin sila at ang kanilang pamilya."

Samantala hindi naman malinaw kung anung klaseng at kanino nanggagaling ang banta sa mga miyebro ng pamilya Manalo at sa mga miyembro ng INC.

Na-upload ang video miyerkules ng gabi, July 22, 2015 ito ay kasabay ng paglutang naman ng isang panawagan sa wic.com na nakaugnay umano sa pangalang incdefenders ukol sa isang peaceful vigil sa kanilang central temple at hinikayat ang iba pang kasapi ng INC na dumalo doon.

Wala pang pahayag ang tagapagsalita ng kapatiran ukol sa Issue.

Editor's Note: With reports from Rappler.com

NAKABABATANG MANALO NG INC NANAWAGAN NG TULONG, MAY BANTA DAW SA KANILANG BUHAY

 
RADIO TAGKAWAYAN © 2015 - Designed by Templateism.com