06/26/15 ~ RADIO TAGKAWAYAN

Friday, June 26, 2015

Bilang bahagi ng Environmental Month celebration, nagsagawa ang mga Komunidad ng Tagkawaya,Quezon ng Municipal-wide tree planting activity,June 27.

Sa Metro Zone pinangunahan ng Municipal Environment and natural resources Office sa ilalim ng Office of the Municipal Mayor's Office ang pagtatanim ng mga puno sa bahagi ng Quirino Highway mula sa boundary ng Del Gallego, Camarines Sur, at pa-Norte na nilahukan ng mga Opisyales ng Barangay Poblacion, Rizal, Magsasay, Aldavoc at Sta.Cecilia.Kasama ding nagtanim ng puno ang mga empleyado ng Pamahalaang lokal sa pangunguna ng AMULET at katuwang din ang mga miyembro ng Bravo Company 74th IB ng Armed Forces of the Philippines (AFP), Philippine National Police (PNP)-Tagkawayan qt ang grupong Kalikasan Bigyan ng Sigla o KABISIG.

Layunin ng aktibidad na madagdagan ang mga puno sa tabing kalsada na nauna ng naitanim at malinis ang paligid ng mga ito. Nagpasalamat naman si MENRO Marley Lacaran sa lahat ng nakiisa para sa nasabing programa. -Reden Devilla| Radio Tagkawayan

IN PHOTOS:

MUNICIPAL-WIDE TREE PLANTING SA TAGKAWAYAN, ISINAGAWA

6:08 PM RADIOTAGKAWAYAN, TAGKAWAYAN

TAGKAWAYAN,QUEZON-Pinasinayahan ni Governor Jay-Jay Suarez ang rehabilitasyon ng Tagkawayan Municipal Covered Court- June 26.

Layunin ng nasabing proyekto na isaayos ang bubungan ng covered court at iba pang bahagi nito upang mas higit na magamit bilang Evacuation Center tuwing mayroong kalamidad na personal na hiniling ni Kgg. Punong Bayan Jose Jonas A. Frondoso para sa mga kababayan. Ang municipal covered court ang nagsisilbing panuluyan ng mga pamilyang kailangang ilikas partikular ang mga nasa coastal areas sa Metro Zone tuwing may bagyo.

Gov. David C. Suarez sa Tagkawayan | Photo by Radio Tagkawayan

Sa pagdalaw ng Gobernador, kanyang ibinalita ang iba’t-ibang programa at proyekto na nakatakdang ipatupad sa bayan ng Tagkawayan tulad na lamang ng programa na naglalayong labanan ang malnutrisyon na kung saan, ang Bayan ng Tagkawayan ang magiging Pilot Municipality ng nasabing programa na siya namang gagamitin at pagtutularan sa iba pang bayan sa lalawigan ng Quezon.

Sa kanya namang pananalita, nagpasalamat si Mayor Frondoso sa mga tulong na ipinararating ng Pamahalaang panlalawigan kahit pa nasa pinakadulo ng Timog-Quezon ang kanyang pinamumunuang munisipalidad.

Idinagdag naman ni Gov. Suarez magtutuwang din ang kanyang may-bahay na si at ang mga miyembro ng KALIPI-Tagkawayan sa pangunguna ni Mayora Myra Frondoso sa mga programang pangkababaihan.

Kasamang sumalubong ni Mayor Frondoso ang Sangguniang Bayan ng Tagkawayan sa pangunguna ni Vice Mayor Veronica Masangkay at mga Konsehal, mga Kapitan, mga magsasaka at empleyado ng pamahalaang Lokal. -Reden Devilla| Radio Tagkawayan

IN PHOTOS: