HIGIT 100 RESIDENTE SA TAGKAWAYAN, INILIKAS

October 18, 2015- Mahigit 30 pamilya ang inilikas ng Municipal Disaster Risk Reduction and Management Office kasama ang Tagkawayan Municipal Police at Municipal Social Welfare and Development Office dakong 11:30 ng gabi hanggang bandang1:00 ng madaling araw mula sa coastal Barangays ng downtown Tagkawayan dahil sa Bagyong "Lando" na nagdala ng malalakas na hangin na naramdaman partikular sa mga nasa tabing-dagat.

Ayon kay MDRRMO Doc. Sonny Rocafort may tatlumput-anim (36) na pamilya o nasa 142 na indibidwal na ang nasa Evacuation Area upang masiguro ang kanilang kaligtasan.

Habang sinusulat ang balitang ito wala nang supply ng kuryente sa Bayan ng Tagkawayan, wala ring malalakas na pag-ulan maliban sa paminsan-minsang pag-ambon.

Kasamang naka-alerto ng MDRRMO ang KABALIKAT CIVICOM at office of the Municipal Agriculture Office.

Ayon sa PAGASA dakong 1:00 ng umaga ng mag-landfall ang bagyong Lando sa bahagi ng Casiguran, Aurora. Nanatiling nasa Signal No. 2 ang nalalabing bahagi ng Lalawigan ng Quezon.

Kasama sina Jhon Pineda,Michelle Cantona, Esperanza Guava, Marvin Noveno, Arvin Rufo, Cecilio Escamillas, Jose Fernso Vargas, Francisco Remmel Macaraig | Reden Devilla/RadioTagkawayan