SA PAGBUBUKAS NG TAONG 2015, IPINAGPAPATULOY NG DEPARTMENT OF AGRICULTURE ANG PAGHAHATID NG KINAKAILANGANG MGA SERBISYO AT INTERVENTIONS NA PAKIKINABANGAN NG MGA PILIPINONG MAGSASAKA’T MANGINGISDA.
ITO ANG IPINAHAYAG NI AGRICULTURE SECRETARY PROCESO ALCALA SA ISANG MEDIA BRIEFING KAMAKAILAN LAMANG SA QUEZON CITY. SABI NI ALCALA, MULA NGAYONG TAON HANGGANG SA 2017, MAGTATATAG ANG PAMAHALAAN NG MGA IMPRASTRAKTURA AT IBA PANG INVESTMENTS NA KAILANGAN UPANG PABABAIN ANG GASTOS SA PRODUKSYON AT MAGING COMPETITIVE ANG SEKTOR NG AGRIKULTURA SA BANSA.
IPINATUTUPAD NG D-A ANG FARM MECHANIZATION PROGRAM KUNG SAAN ANG MGA SAMAHAN NG MAGSASAKA AY MAARING MAKAKUHA NG MGA MAKINARYANG PAMBUKID GAYA NG COMBINE HARVESTERS SA ISANG COUNTERPART SCHEME.
SA NASABING PROGRAMA, WALUMPU’T LIMANG PORSYENTO NG HALAGA NG MAKINARYA AY SASAGUTIN NG PAMAHALAAN AT ANG NATIRANG LABING LIMANG PORSYENTO NA LAMANG ANG BABAYARAN NG GRUPO NG MAGSASAKA.
IGINIIT NI ALCALA NA NAKAMTAN NG BANSA ANG PINAKAMATAAS NA ANI NG PALAY SA KASAYSAYAN, NA UMABOT SA 18.4 MILLION METRIC TONS SA TAONG 2013, SA TULONG NG PROGRAMA NG D-A SA MEKANISASYON.
DAGDAG PA NI ALCALA, ANG PATULOY NA PAGLAKI NG ANI NG PALAY AY ITINUTULAK NG IBANG AYUDA SA MGA MAGSASAKA GAYA NG PAGBIBIGAY NG MATAAS NA KALIDAD NG BINHI, FERTILIZERS, AT IBA PANG INTEGRATED CROP MANAGEMENT PRACTICES.
