HIGIT 7 LIBONG SAKO NG COCONUT FERTILIZER IPAMAMAHAGI SA MGA MAGSASAKA SA TAGKAWAYAN

Tagkawayan- Pinangunahan ni Kgg. Jose Jonas A. Frondoso, Punong Bayan ng Tagkawayan ang unang araw ng pamamahagi ng mahigit Pitong (7) libong sako ng pataba o abuno sa niyog para sa mga magsasaka ng niyog sa Munisipalidad. Kasama din niya ang mga Miyembro ng Sangguinang Bayan para sa nasabing programa partikular ang Chairman ng Komite ng Pagsasaka Kgg. Ferdinand Valencia na nagpahayag ng pasasalamat sa Philippine Coconut Authority sa walang sawang pagtulong sa mga magniniyog sa Bayan ng Tagkawayan.
Nagpahayag din ng pasasalamat sa kanyang pananalita ang Pambayang Agrikultor Kgg. Rolando S. Mendoza sa pagtugon ng PCA sa kahilingan na mapagkalooban ng mga pataba ang mga kababayan bilang ayuda narin aniya sa mga nasirang puno ng niyog ng mga nagdaang kalamidad.

Samantala sa pananalita naman ng Senior Agriculturist ng PCA na si G. Edilberto Escobar na napaka-palad ng Tagkawayan sapagkat ang alokasyon ng mahigit 7,000 sako ng Salt Fertilizer na ibinigay sa Tagkawayan ay halos 25% ng alokasyon sa buong lalawigan ng Quezon o katumbas ng para sa 10 Bayan, ito daw ay dahil sa pagiging "receptive" ng mga kababayan sa mga ganitong uri ng programa. Malaki aniya ang maitutulong nito sa mga magsasaka sapagkat kaya nitong pataasin sa unang aplikasyon sa niyugan ng halos 25% ang pamumunga ng bawat niyog at mas higit na napapatigas ang laman ng mga bunga at nababawasan ang moisture content nito dahilan para mas magging mabigat ang bawat niyog.  Kanya nading ipinaliwanag sa mga magsasaka ang tamang paraan ng Pagamit ng salt fertilizer na bukod sa mas mura ay mas may higit na benipisyong hatid sa mga magtatanim ng niyog.

Samantala ipinaliwanag naman ni G. Mendoza (MAO) na kung dati ay apat na sako
bawat ektarya lamang ang maaaring ipamahagi ng Pamahalaang Lokal at PCA, ngayon dahil sa dami ng supply na dumating maaari nang matugunan ang kabuuang pangangailangan ng mga magsasakang nais na kumuha depende sa lawak ng kanilang niyugan.

HIGIT 7 LIBONG SAKO NG COCONUT FERTILIZER IPAMAMAHAGI SA MGA MAGSASAKA SA TAGKAWAYAN

9:11 PM FARMING, NewsNow, PR, QUEZON, RADIOTAGKAWAYAN

LIVE BLOG: NIYOGYUGAN FESTIVAL 2015

Muli na namang umarangkada ang Niyogyugan Festival ng Lalawigan ng Quezon simula sa Agosto 10 hanggang Agosto 19.Ito na ang ikatlong taon nito tampok ang Agri- Tourism Trade Fair, Araw ng Pamilyang Magsasaka, Street Dancing Competition na lalahokan ng iba't-ibang Bayan sa Lalawigan at ang Bb. Niyogyugan.
Mula Lucena, City ihahatid ng Radio Tagkawayan ang mga kaganapan sa pinaka-makulay na pagdiriwang ng lalawigan ng Quezon ngayong 2015.

Nagsimula ang makulay na pagdiriwang sa Live Coverage ng Umagang Kay Ganda kahapon Aug.10, 2015 na sinundan ng pormal na pagpapasinaya sa mga Booth ni Goveernador Jayjay Suarez kasama si ABAKADA Congressman Jonathan Dela Cruz, Congressman Danilo Suarez at asawa nito.

Samantala nagpatalbugan naman ang nga Festival Queens sa Talent Competition at Pre-Pageant sa SM City Lucena kung saan pasok sa Top 3 ng nasabing Kategorya ang mga kinatawan ng Pagbilao, Sariaya at Lucena.
Aabangan naman angPageant at Coronation Night sa August 12 sa Quezon Convention Center 6:00 pm. May mga ticket na ipinamimigay ang mga organizer sa mga Candidates para sa kanilang mga taga-suporta.

More Photos on LIVE BLOG BELOW.

LIVE BLOG: NIYOGYUGAN FESTIVAL 2015

7:01 PM BREAKING, EXCLUSIVE, FARMING, LIVE, LIVE STREAM, Niyogyugan, QUEZON, RADIOTAGKAWAYAN, Social Media, Trending

2,440 kilometrong FMRs na nagkakahalaga ng ₱24.7 billion, ipagagawa ng pamahalaan

 

NAKIKIPAGTAMBALAN SA LOKAL NA PAMAHALAAN ANG DEPARTMENT OF AGRICULTURE PARA SA PAGSUSULONG SA CLIMATE-RESILIENT NA IMPRASTRAKTURA.

 

NAKIKIPAG-PARTNER SA APATNAPU’T SIYAM NA PROBINSYA AT LOCAL GOVERNMENT UNITS ANG D-A PARA MAGPAGAWA NG SEMENTADONG FARM TO MARKET ROADS O F-M-R’S.

 

SA ILALIM NG WORLD BANK ASSISTED PROJECT NA PHILIPPINE RURAL DEVELOPMENT PROJECT O P-R-D-P, AABOT SA DALAWANG LIBO APAT NA RAAN AT APATNAPUNG (2,440) KILOMETRO ANG HABA NG IPAGAGAWANG CONCRETE FARM TO MARKET ROADS NA NAGKAKAHALAGA NG 24.7 BILLION PESOS.

 

INAASAHAN NA PAG-UUGNAYIN NG MGA FARM TO MARKET ROADS ANG MAY ISANG MILYONG MAGSASAKA SA KANILANG BUKID, PATUNGO SA HIGHWAY AT PAMILIHAN.

 

SABI NI  AGRICULTURE SECRETARY PROCESO ALCALA, DI LAMANG TINITIYAK NG D-A NA TALAGANG KINOKONEKTA NG F-M-R’S ANG MAGSASAKA AT ANG MERKADO.

 

GARANTISADO RIN ANIYA NA ANG MGA PROYEKTO AY UMAAYON SA STANDARDS NG WORLD BANK AT D-P-W-H, AT SA MGA KONDISYONG NAPAGKASUNDUAN SA CONTRACTORS. -DA INFORMATION SERVICE

Road Photo by:
jefflynchdev.wordpress.com

2,440 kilometrong FMRs na nagkakahalaga ng ₱24.7 billion, ipagagawa ng pamahalaan

8:54 PM AGRIBEAT, FARMING, National, PR, QUEZON

Aquino administration, di na gagawa ng mga grabang farm to market roads

SA ILALIM NG ADMINISTRASYONG AQUINO, DI NA GAGAWA NG MGA “ALL-WEATHER” ROADS NA GAWA SA GRABA ANG PAMAHALAAN.

AYON KAY AGRICULTURE SECRETARY PROCESO ALCALA, MADALING MASIRA ANG MGA GRABANG DAAN DAHIL SA HINDI CLIMATE CHANGE RESISTANT ANG MGA IYON.

MARAMI SA MGA GRABANG DAAN, PAGKATAPOS NG BAHA O BAGYO, BASTA NA LANG NASISIRA O BIGLANG NAGLALAHO.

MALAKING PERA ANIYA ANG GINAGASTOS SA PAGPAPAGAWA NG MGA MAHINANG KLASENG DAAN NA KAILANGANG I-REPAIR NANG PAULIT-ULIT.

SABI PA NI SECRETARY ALCALA, MAY PINAPABORAN NA MGA CONTRACTOR AT NAGIGING SANHI NG DUPLIKASYON NG PROYEKTO ANG PAGPAPAGAWA AT PAG-AYOS SA MGA GRABANG DAAN.

KUNG SUSUNDIN ANIYA ANG STANDARDS NG D-P-W-H, MAS MATIPID ANG SAMPUNG MILYONG PISONG GASTOS SA PAGPAPAGAWA NG ISANG KILOMETRONG CONCRETE F-M-R, NA MAY KAPAL NA ANIM NA PULGADA  AT LAPAD NA LIMANG METRO, KUMPARA SA PAULIT-ULIT NA PAGPAPAGAWA AT PAG-AAYOS NG KALYENG GRABA.

NANINIWALA SI SECRETARY ALCALA NA SA KONTEKSTO NG CLIMATE CHANGE ADAPTATION, MAS MALAKI ANG BENEPISYO SA PAGPAPAGAWA NG SEMENTADONG DAAN, KAYSA PARATING PAGKUKUMPUNI SA MGA GRABANG DAANAN. -DA INFORMATION SERVICE

FMR Photo by www.cagayanvalley.net

Aquino administration, di na gagawa ng mga grabang farm to market roads

8:51 PM AGRIBEAT, FARMING, National, NewsNow, PR

10 Baka Ipinamahagi para sa Native Cattle Production

Pinangunahan ni Kgg. Jose Jonas A. Frondoso, Municipal Mayor ng Tgkawayan at Municipal Agricultural Officer Mr. Rolando S. Mendoza ang pamamahagi sa mga magsasaka na nakatapos sa Farmer's Field School for Organic Farming ang samoung (10) ulo ng baka. Isang programa ng Department of Agriculture na kung saan pina-aalagaan ang mga magsasaka ng isang baka na kanilang paparamihin. bawat unang anak naman nito ay isasauli sa kagawaran ng Pagsasaka upang ipamahaging muli sa ibang benepisyaryo.
Laking pasasalamat naman ng mga kababayan nating nabiyayaan ng nasabing programa.

Si MAO Rolly Mendoza habang tinatalakay ang Panuntunan ng Native Cattle Production

 

Si Kgg. Jose Jonas A. Frondoso sa kanyang pananalita sa harap ng mga benepisyaryo

In Photos: Mga Magsasaka na tumanggap ng mga Baka sa ilalim ng Native Cattle Fattening Program.

10 Baka Ipinamahagi para sa Native Cattle Production

2:04 AM FARMING, NewsNow, RADIOTAGKAWAYAN, TAGKAWAYAN

Super body sa food safety pulungin na- Sen. Escudero

DAPAT NA UMANONG PULUNGIN ANG MGA MIYEMBRO NG FOOD SAFETY REGULATION COORDINATING BOARD PARA MAPIGILAN ANG PAGKALAT SA MERKADO NG MGA PAGKAIN NAKASASAMA SA KALUSUGAN GAYA NG “SYNTHETIC RICE.”

 

ITO ANG SABI NI SENATOR FRANCIS “CHIZ” ESCUDERO KASABAY NANG PANAWAGAN NG PAMAHALAAN NA BIGYAN NG ALOKASYON SA ISUSUMITENG BUDGET PARA SA SUSUNOD NA TAON ANG IMPLEMENTASYON NG REPUBLIC ACT 1-0-6-1-1 O ANG FOOD SAFETY ACT OF 2013.

 

ANG TINAGURIANG FOOD SAFETY SUPERBODY AY PANGUNGUNAHAN NG DEPARTMENT OF HEALTH AT DEPARTMENT OF AGRICULTURE, AT BIBIGYAN ITO NG KAPANGYARIHAN UPANG TUGUNAN ANG ISANG KRISIS NA MAY KINALAMAN SA FOOD SAFETY.

 

SABI NG SENADOR, MARAPAT LAMANG NA MAGPULONG NA ANG F-S-R-C-B MATAPOS ANG ISA’T KALAHATING TAONG GINUGOL SA PAGBUO NG IMPLEMENTING RULES AND REGULATIONS NG NASABING BATAS NA NILAGDAAN NI PANGULONG AQUINO NOONG 2013.

Super body sa food safety pulungin na- Sen. Escudero

3:26 AM AGRIBEAT, FARMING, NewsNow

Publiko inabisuhang bumili ng bigas sa mga otorisadong outlets lamang

INAABISUHAN NG MALACANANG ANG PUBLIKO NA BUMILI LAMANG NG BIGAS SA MGA OTORISADONG OUTLETS NG BIGAS UPANG MAIWASANG MABIKTIMA NG MGA NAGBEBENTA NG SYNTHETIC O FAKE RICE.

 

NANAWAGAN SI PRESIDENTIAL COMMUNICATIONS OPERATIONS OFFICE SECRETARY HERMINIO COLOMA NA BUMILI LAMANG NG BIGAS SA MGA RICE DEALERS NA OTORISADO NG NATIONAL FOOD AUTHORITY O N-F-A.

 

AYON KAY COLOMA, INATASAN NA NI PANGULONG AQUINO SINA JUSTICE SECRETARY LEILA DELIMA AT INTERIOR SECRETARY MAR ROXAS NA IMBESTIGAHAN ANG PINAGMULAN NG SYNTHETIC RICE AT KUNG KALAT PA RIN ITO SA MERKADO.

 

INATASAN RIN SI FOOD SECURITY CZAR FRANCIS PANGILINAN NA ALAMIN KUNG PAANO NAKAPASOK SA BANSA ANG SINASABENG FAKE RICE.

 

ISASAPUBLIKO  NG FOOD DEVELOPMENT CENTER NG N-F-A ANG RESULTA NG MGA LABORATORY TESTS  SA SAMPLE NG UMANO’Y FAKE RICE MULA SA CHINA, SA ORAS NA MATAPOS ANG MGA ITO.- DA INFO SERVICE

Publiko inabisuhang bumili ng bigas sa mga otorisadong outlets lamang

3:21 AM AGRIBEAT, FARMING, PR

Sec. Alcala nag-courtesy call sa WTO Director General

NAG-COURTESY CALL SI AGRICULTURE SECRETARY PROCESO ALCALA KAY WORLD TRADE ORGANIZATION DIRECTOR GENERAL ROBERTO AZEVEDO SA W-T-O HEADQUARTERS SA GENEVA, SWITZERLAND NOONG JULY 3.

SA KANILANG MEETING, PERSONAL NA PINASALAMATAN NI SECRETARY ALCALA ANG NAGING PARTISIPASYON NI AZEVEDO SA APEC MINISTERS RESPONSIBLE FOR TRADE MEETING SA BORACAY NOONG MAYO, AT SA A-D-B D-F-A FORUM ON THE W-T-O DOHA ROUND OF NEGOTIATIONS.

AYON KAY SECRETARY ALCALA, NAKUHA NG PILIPINAS ANG EXTENSION PARA SA SPECIAL TREATMENT FOR RICE HANGGANG 2017 SA ILALIM NG PAMAMAHALA NI AZEVEDO.

TINIYAK RIN NG KALIHIM SA PINUNO NG W-T-O ANG SUPORTA AT PARTISIPASYON NG PILIPINAS SA 10^TH MINISTERIAL CONFERENCE NA GAGANAPIN SA KENYA SA DARATING NA DISYEMBRE.

KASAMA SA DELEGASYON NI SECRETARY ALCALA SINA PHILIPPINE AMBASSADOR TO SWITZERLAND ESTEBAN CONEJOS SR., UNDERSECRETARY SEGFREDO SERRANO, AGRICULTURAL ATTACHE NOEL DE LUNA, AT ASSISTANT AGRICULTURAL ATTACHE JEROME BUNYI.- DA INFO SERVICE

Sec. Alcala nag-courtesy call sa WTO Director General

3:20 AM AGRIBEAT, FARMING, National, PR

Magsasaka, hinihimok na magtanim ng barayti ng palay na matibay laban sa stress

HINIHIMOK NG DEPARTMENT OF AGRICULTURE ANG MGA MAGSASAKA NA MAGTANIM NG BARAYTI NG PALAY NA MATIBAY LABAN SA STRESS PARA TUMAAS ANG KANILANG PRODUKSYON MASKI SA MASAMANG KONDISYON.

AYON KAY AGRICULTURE ASSISTANT SECRETARY EDILBERTO DE LUNA, MARAMI NANG MAGSASAKA ANG NAGTATANIM NG MGA HYBRID NA PALAY AT DAPAT NILA ITONG IPAGPATULOYPARA MATAMASA ANG MAS MASAGANANG ANI.

IPINAMAMAHAGI NG D-A ANG IBA’T IBANG RICE HYBRID RICE VARIETIES, GAYA NG MGA URI NA KAYANG MATAGALAN ANG TAGTUYOT, PAGKABABAD SA TUBIG, AT TUBIG-ALAT.

ITO AY UPANG TUGUNAN ANG EPEKTO NG CLIMATE CHANGE SA PRODUKSYON NG PALAY.

SA GITNANG LUZON ANIYA, NAKAPAG-ANI NA ANG MGA MAGSASAKANG NAGTATANIM NG MULTI-STRESS TOLERANT VARIETIES NA MAARING MABUHAY SA KAHIT ANUMANG KONDISYON. - DA INFO SERVICE

Magsasaka, hinihimok na magtanim ng barayti ng palay na matibay laban sa stress

3:18 AM AGRIBEAT, FARMING, PR

Pilipinas, nangunguna sa kaligtasan ng pagkain – Pangulong Aquino

MAHUSAY ANG SITWASYON NG KALIGTASAN NG PAGKAIN SA PILIPINAS. ITO ANG NAGING PAHAYAG NI PANGULONG AQUINO SA PAGBUBUKAS NG LIVESTOCK PHILIPPINES 2015 NOONG HUWEBES SA PASAY CITY.

AYON SA PANGULO, ANG PILIPINAS AY LIGTAS SA BIRD FLU MULA PA NOONG 2005 AT SA FOOT AND MOUTH DISEASE MULA 2010 KUNG KAYA’T NAKAKAPAG-EXPORT NA TAYO NG MANOK AT KARNENG BABOY SA IBAYONG DAGAT.

NOONG NAKARAANG LINGGO ANIYA, KINILALA NG WORLD ORGANIZATION FOR ANIMAL HEALTH ANG PILIPINAS BILANG ISANG BANSA NA F-M-D FREE WITHOUT VACCINATION, NA LALO PANG DUMAGDAG SA GLOBAL COMPETITIVENESS NG BANSA.

SABI PA NG PANGULO, DI LAMANG LAYUNIN NG PAMAHALAAN ANG PAGPAPANATILI NG MGA STANDARDS, KUNDI PATI NA RIN ANG PAGTITIYAK NA PATULOY ANG PAGLAGO AT PAG-ASENSO NG LIVESTOCK INDUSTRY.

SA ILALIM NG KASALUKUYANG ADMINISTRASYON, TUMAAS NG 180% ANG BUDGET PARA SA LIVESTOCK SECTOR. BINIBIGYANG PRAYORIDAD ANG PAGBABAKUNA AT PAGSUGPO SA SAKIT NG HAYOP.-DA Information Service

Pilipinas, nangunguna sa kaligtasan ng pagkain – Pangulong Aquino

10:17 PM AGRIBEAT, FARMING, National, NewsNow

Samantalahin ang pagbuhos ng ulan- DA

HINIHIMOK NI AGRICULTURE SECRETARY PROCESO ALCALA ANG MGA MAGSASAKA NA MAGTANIM NG MAAGA AT SAMANTALAHIN ANG TUBIG NA DALA NG PAGBUHOS NG ULAN. 

 

KUNG MAGSISIMULA NANG MAGTANIM NGAYON ANIYA, MAS MALAKI ANG  KANILANG AANIHIN DAHIL MALALAGPASAN NA NG PALAY ANG FLOWERING STAGE O PAMUMULAKLAK PAGSAPIT NG HULYO KUNG KAILAN INAASAHAN ANG PINAKAMALALAKAS NA PAG-ULAN.

 

AYON KAY SECRETARY ALCALA, KAILANGANG SAMANTALAHIN NG MGA MAGSASAKA ANG PATIGIL-TIGIL NA ULAN LALO NA SA MGA RAINFED AREAS.

 

PINAYUHAN NG KALIHIM ANG MGA MAGSASAKA NA MAGTIPID NG TUBIG AT MAKIISA SA MGA PAGKUKUSA NG PAMAHALAAN KAUGNAY SA PAG-IIMBAK NG TUBIG O WATER IMPOUNDING.

 

BINIGYANG DIIN NI SECRETARY ALCALA ANG GINAGAWANG MGA HAKBANG NG DEPARTMENT OF AGRICULTURE PARA BAWASAN ANG EPEKTO NG PAGBABAGO NG PANAHON SA MGA PANANIM.

 

HANDA ANIYA ANG D-A NA MAGSAGAWA NG MGA CLOUD SEEDING OPERATIONS SAKALING MAGTATAGAL ANG TAGTUYOT, GAYUN DIN ANG MAGLAGAY NG MGA WATER PUMPS AT SOLAR WATER PUMPS SA MGA KOMUNIDAD NA KAILANGAN NG DAGDAG NA PATUBIG. -DA Information Service

Samantalahin ang pagbuhos ng ulan- DA

10:16 PM AGRIBEAT, FARMING, RADIOTAGKAWAYAN

TAGKAWAYAN, MODEL MUNICIPALITY SA RICE PRODUCTION-GOV.SUAREZ

Pinuri ni Governor Jayjay Suarez ang mga magsasaka ng Bayan ng Tagkawayan dahil sa patuloy na pagpapa-unlad ng sektor ng agrikultura.
Sa kanyang pagbisita sa Tagkawayan, June 26, kanyang inihayag na ang Tagkawayan ang model Municipality pagdating sa rice sufficiency sa buong lalawigan ng Quezon.
Aniya noong maupo sila sa kapitolyo,20% self sufficient  lamang noon pagdating sa produksyon ng lalawigan subalit ngayong 2015 ay umabot na sa 65% ang sufficiency ng lalawigan pagdating sa usapin ng bigas. Resulta aniya ito ng ibayong pagsuporta ng pamahalaan sa sektor ng pagsasaka.

Katunayan may dala ang grupo ng Pamahalaang Panlalawigan ng 200 sako ng certified palay seeds na mga Taga-Tagkawayan mismo ang nag-prodyus na ipinamahagi sa mga magsasakang Tagkawayanin bilang ayuda sa parating na panahon ng taniman.
Dagdag pa ni Governoer Suarez, maging ang mga binhi na ibibigay sa iba pang bayan katulad ng Lopez, Quezon ay galing din sa Tagkawayan. Malaki naman ang pasasalamat ng mga magsasaka na nabiyayaan ng mga binhing palay lalo pa nga at pormal nang ideneklara ng PAGASA ang pagsisimula ng panahon ng tag-ulan na hudyat naman ng pag-uumpisa ng taniman.

TAGKAWAYAN, MODEL MUNICIPALITY SA RICE PRODUCTION-GOV.SUAREZ

6:12 PM FARMING, QUEZON, RADIOTAGKAWAYAN, TAGKAWAYAN

Sec. Alcala nanawagan sa epektibong pananaliksik sa pangangasiwa ng lupa’t tubig

SA PAGDIRIWANG NG IKA ANIMNAPU’T APAT NA ANIBERSARYO NG BUREAU OF SOILS AND WATER MANAGEMENT, INATASAN NI AGRICULTURE SECRETARY PROCESO ALCALA ANG MGA RESEARCHERS NG NATURANG AHENSYA NA MAGBIGAY NG MGA DATOS AT BUMUO NG MGA PROGRAMA KAUGNAY SA LUPA’T TUBIG NA PAKIKINABANGAN NG MGA NASA REGIONAL FIELD UNITS NG D-A.

 

HINIMOK RIN NG KALIHIM ANG MGA EKSPERTO SA B-S-W-M NA IBAHAGI ANG RESULTA NG KANILANG RESEARCH AND DEVELOPMENT WORK.

 

NGAYONG IDINEKLARA NG PAGASA ANG EL NINO NA TATAGAL HANGGANG SA HULING BAHAGI NG TAON, INATASAN NG KALIHIM ANG B-S-W-M NA MAKIPAG-UGNAYAN SA MGA D-A REGIONAL FIELD UNITS PARA SA MAS EPEKTIBONG PAGPAPATUPAD NG MGA PROGRAMA AT ANG PAGPAPALAGANAP NG IMPORMASYON KUNG PAANO MAKATITIPID SA TUBIG.

 

NANAWAGAN RIN SI SECRETARY ALCALA SA MGA OPISYAL NG SMALL WATER IMPOUNDING SYSTEM ASSOCIATIONS O SWISA NA PALAGIANG IPUNIN ANG TUBIG TUWING UMUULAN AT REGULAR NA I-CHECK KUNG MAY LEAK ANG MGA CANAL SA SMALL WATER IMPOUNDING PROJECTS PARA MAIWASAN ANG PAGSASAYANG NG TUBIG.-DA INFORMATION SERVICE

Sec. Alcala nanawagan sa epektibong pananaliksik sa pangangasiwa ng lupa’t tubig

7:42 PM AGRIBEAT, FARMING, PR

Magsasaka hinihimok na magsagawa ng pamamaraan para makatitipid sa tubig

NGAYONG NASA PANAHON TAYO NG EL NINO, HINIHIMOK NG PAMAHALAAN ANG MGA MAGSASAKA NA MAGTIPID SA PAGGAMIT NG TUBIG SA KANILANG PALAYAN.

 

HINIHIMOK NG DEPARTMENT OF AGRICULTURE ANG MGA MAGSASAKA NA ISAGAWA ANG MGA TEKNOLOHIYANG BINUO NG PHILRICE PARA SA PANGANGASIWA NG TUBIG SA SAKAHAN.

 

ISINUSULONG NG PHILRICE ANG DALAWANG EPEKTIBONG TEKNOLOHIYA NA ANGKOP GAMITIN SA MGA LUGAR NA MAY KAKAUNTING SUPPLY NG TUBIG AT DOON SA MGA NASA DULO NG SISTEMA NG IRIGASYON.

 

ANG A-W-D O ALTERNATE WET AND DRYING METHOD AY ISANG SISTEMA KUNG SAAN HINDI KAILANGANG PALAGIANG IBABAD SA TUBIG ANG SAKAHAN. SA A-W-D, BABABA NG HANGGANG 25 % ANG KONSUMO SA PATUBIG AT MAKATITIPID SA KRUDONG GINAGAMIT SA PAGBOMBA SA TUBIG NG HANGGANG TATLUMPUNG LITRO KADA EKTARYA.

 

ANG ISA PANG PARAAN AY ANG AEROBIC RICE  CULTURE KUNG SAAN ITINATANIM ANG MGA “AEROBIC RICE” VARIETIES SA LUPANG PINATUYO, HINDI MAPUTIK, AT DI BABAD SA TUBIG.-DA INFORMATION SERVICE

Magsasaka hinihimok na magsagawa ng pamamaraan para makatitipid sa tubig

7:40 PM AGRIBEAT, FARMING, PR

FMR sa Negros Occidental pasisimulan na ang pagpapagawa

MATAPOS ANG ILANG DEKADANG PAGLALAKAD SA MAPUTIK NA DAANAN SA MGA TUBUHAN SA NEGROS OCCIDENTAL, MAKAAASA NA NG MAS MAGANDANG BUHAY ANG MGA MAGTUTUBO SA ORAS NA MAGAWA ANG DALAWANG FARM-TO-MARKET ROADS O F-M-R’S SA NASABING PROBINSYA.

 

KUWENTO NG MAGTUTUBONG SI MANG DANILO DUCAY, NAPAKAHIRAP NA DALHIN ANG MGA ABONO SA TUBUHAN DAHIL SA BAKU-BAKO AT MAKITID NA DAAN NA NAGIGING MAPUTIK TUWING TAG-ULAN.

 

ISA LAMANG SI MANG DANILO SA HALOS TATLONG LIBONG MAGSASAKANG MAKIKINABANG SA KONSTRUKSYON NG DALAWANG F-M-R’S SA BAYAN NG TOBOSO AT SA CADIZ CITY.

 

PINANGUNAHAN NI P-R-D-P DIRECTOR USEC. EMERSON PALAD AT NI NEGROS OCCIDENTAL GOVERNOR ALFREDO MARAÑON JR. ANG GROUNDBREAKING CEREMONY PARA SA REHABILITASYON NG 4.2 KILOMETRONG SITIO MAGTU-OD AT SITIO VERGARA F-M-R SA TOBOSO, AT NG 12.46 KILOMETRONG BRGY. CADUHAAN AT SITIO ALUYAN F-M-R SA CADIZ CITY.

 

ANG DALAWANG F-M-R’S NA NAGKAKAHALAGA NG HIGIT SA 182 MILYONG PISO AY ANG UNANG SUB-PROJECTS SA KABISAYAAN NA INAPROBAHAN SA ILALIM NG PHILIPPINE RURAL DEVELOPMENT PROJECT NG DEPARTMENT OF AGRICULTURE.-DA INFORMATION SERVICE

FMR sa Negros Occidental pasisimulan na ang pagpapagawa

7:39 PM AGRIBEAT, FARMING, PR

MGA MAGSASAKA, NAGTAPOS SA FIELD SCHOOL ON ORGANIC VEGETABLE PRODUCTION

Photo:(L-R) Kons.Ernie O. Herras, Kons. Carlo Eleazar, Kons. Ferdinand Valencia, Kons Fernando Violante, Hon.Mayor Jose Jonas A. Frondoso, Mr. Mar Lapitan (ATI- Region IV), MAO Rolly Mendoza/ RadioTagkawayan

Municipal Organic AgriPark-Pinangunahan ni Kgg. Jose Jonas A. Frondoso at ni MAO Rolando Mendoza ang pagtatapos ng mga magsasaka mula sa iba't-ibang Barangay na naging eskwela sa matagumpay na Field School on Ornganic Vegetable Production. Isang programa katuwang ang Agricultural Training Institute Region IV, na kinatawan naman ni Mr. Mar Lapitan (Project Assistant-ATI IV).
Dumalo rin sa nasabing seremonya ang mga Pinuno ng tanggapan ng Lokal na Pamahalaan, mga Miyembro ng Sangguiang Bayan at ilang mga Punong Barangay.
Samantala binigyan diin ni Mayor Frondoso ang pagsuporta ng Pamahalaang Lokal sa ganitong programa lalo pa at malaking ambag sa industriya ng pagsasaka ng ganitong uri ng pamamaraan ng pagtatanim.
Sa mensahe naman ni MAO Mendoza kanyang hiniling ang tuloy-tuloy at pagpapalaganap ng mga natutunan ng mga nagsipagtapos sa 16 na linggong hands-on training sa paraan ng pagattanim, paggawa ng mga organikong pestisidyo at mga pataba na kung saan ang mga produktong ginamitan nito ay mas mabilis na mabili sa merkado partikular sa Panlalawigang bagsakan ng mga produktong pang-Agrikultura.

Sa panig naman ng mga nagsipagtapos ipinahayag nila ang kanilang kasiyahan sa kanilang mga natutunan sa nasabing pag-aaral at bilang tugon ay bumuo sila ng kanilang Association upang sama-sama nilang ipagpatuloy ang pagpapalaganap ng nasabing pamamaraan ng pagsasaka. Sa huli, nagkaroon din ng mga pa-raffle ang Municipal Agriculture's Office kung saan may nanalo ng power sprayer,knapsack sprayer, hand sprayer, mga binhi at organic fertilizers.

-radiotagkawayan

In Photos:

MGA MAGSASAKA, NAGTAPOS SA FIELD SCHOOL ON ORGANIC VEGETABLE PRODUCTION

11:39 PM AGRIBEAT, BREAKING, EXCLUSIVE, FARMING, RADIOTAGKAWAYAN

DA gagamitin ang Air Force para sa cloud seeding

NARITO ANG ISANG ULAT MULA SA PAHAYAGANG THE PHILIPPINE STAR. HINILING NG DEPARTMENT OF AGRICULTURE ANG SERBISYO NG PHILIPPINE AIRFORCE SA PAGSASAGAWA NG CLOUD SEEDING OPERATIONS SA LALAWIGAN NG NUEVA VIZCAYA. ITO AY MATAPOS NA BIGLANG BUMAGSAK NOONG NAKARAANG BUWAN ANG ISANG PRIBADONG EROPLANO NA NAG CLOUD SEEDING SA LALAWIGAN.

AYON SA PAHAYAG NI CELERINA MIRANDA, PROVINCIAL AGRICULTURE OFFICER NG NUEVA VIZCAYA, MAS SANAY ANG MGA TAUHAN NG AIR FORCE SA OPERASYON AT MAS MALALAKI ANG KANILANG MGA SASAKYANG PANGHIMPAPAWID KUNG IHAHAMBING SA MGA EROPLANONG PAGMAMAY-ARI NG MGA PRIBADONG KOMPANYA, NA KARANIWANG GINAGAMIT NG D-A SA CLOUD SEEDING.

ANG DESISYON NG D-A AY DUMATING, MATAPOS NA BUMAGSAK SA ISANG MAISAN SA BAYAN NG BAGABAG, ANG PRIBADONG EROPLANONG NAGSASAGAWA NG CLOUD SEEDING OPERATIONS NOONG APRIL 27.

ANG PILOTO AT TATLONG CLOUD SEEDING SPECIALISTS NG BUREAU OF SOILS AND WATER MANAGEMENT AY NAMATAY SA NASABING AKSIDENTE. PINAGBAWALAN NA NG NG D-A ANG MGA EMPLEYADO NITO SA PAKIKILAHOK SA ANO MANG CLOUD SEEDING OPERATIONS.

BATAY SA D-A, ANG OPERASYON NA MAGTATAGAL SANA NG TATLUMPUNG ARAW, AY PARA MAPIGILAN ANG MAGAT DAM SA PAGITAN NG LALAWIGAN NG IFUGAO AT ISABELA, NA DUMATING SA CRITICAL WATER LEVEL.

BUKOD SA PAGPAPATUBIG SA MAHIGIT WALUMPUNG LIBONG EKTARYA NG SAKAHAN SA ISABELA, CAGAYAN, AT QUIRINO, NAKAPAGBIBIGAY ANG MAGAT DAM NG DI BABABA SA THREE HUNDRED EIGHTY MEGAWATTS NG KURYENTE, KAYA ITINUTURING ITONG IKALAWA SA PINAKAMALAKING POWER PROVIDER SA LUZON GRID. 

DA gagamitin ang Air Force para sa cloud seeding

12:33 AM FARMING

Agrikultura, tumaas ng 10% halaga sa unang quarter ng 2014

NARITO ANG ISANG ULAT MULA SA OPISYAL NA WEBSITE NG DEPARTMENT OF AGRICULTURE. LUMAGO NANG MAHIGIT SA SAMPUNG PORSYENTO ANG HALAGA NG PRODUKSYON NG SEKTOR NG AGRIKULTURA SA UNANG TATLONG BUWAN NG TAONG KASALUKUYAN.

NAKAMIT NG MGA MAGSASAKA AT MANGINGISDA ANG MAS MATAAS NA KITA DAHIL TUMAAS NANG SAMPUNG PORSYENTO ANG PRESYO NG KANILANG MGA PRODUKTO. AYON SA ULAT NG PHILIPPINE STATISTICAL AUTHORITY, HALOS LAHAT NG PANANIM AY NAGTALA NG MAS MATAAS NA PRODUKSYON.

UMABOT SA 4.3 MILLION METRIC TONS ANG NAANING PALAY SA UNANG QUARTER NG TAON, ITO AY 3.38% NA MAS MATAAS KUNG IHAHAMBING SA ANI NOONG NAKARAANG TAON. MAS MATAAS SANA ANG ANI NG PALAY KUNG HINDI DAHIL SA PANANALASA NG BAGYONG SANTI, VINTA, AT YOLANDA, SA HULING BAHAGI NG TAON.

SA KABILA NG MGA KALAMIDAD, TUMAAS PA RIN ANG PRODUKSYON NG PALAY RESULTA NG PINALAWAK NA TANIMAN, PINAGBUTING SERBISYONG PATUBIG, AT PAGTATANIM NG MGA SERTIPIKADO AT HYBRID NA MGA BINHI.

ANG AGARANG PAGPAPALIT TANIM NA IPINATUPAD SA MGA SINALANTANG LUGAR AY NAGRESULTA SA MAS MABILIS NA PAGBANGON NG MGA NASIRANG PALAYAN.

Agrikultura, tumaas ng 10% halaga sa unang quarter ng 2014

12:30 AM FARMING