HIGIT 7 LIBONG SAKO NG COCONUT FERTILIZER IPAMAMAHAGI SA MGA MAGSASAKA SA TAGKAWAYAN

Tagkawayan- Pinangunahan ni Kgg. Jose Jonas A. Frondoso, Punong Bayan ng Tagkawayan ang unang araw ng pamamahagi ng mahigit Pitong (7) libong sako ng pataba o abuno sa niyog para sa mga magsasaka ng niyog sa Munisipalidad. Kasama din niya ang mga Miyembro ng Sangguinang Bayan para sa nasabing programa partikular ang Chairman ng Komite ng Pagsasaka Kgg. Ferdinand Valencia na nagpahayag ng pasasalamat sa Philippine Coconut Authority sa walang sawang pagtulong sa mga magniniyog sa Bayan ng Tagkawayan.
Nagpahayag din ng pasasalamat sa kanyang pananalita ang Pambayang Agrikultor Kgg. Rolando S. Mendoza sa pagtugon ng PCA sa kahilingan na mapagkalooban ng mga pataba ang mga kababayan bilang ayuda narin aniya sa mga nasirang puno ng niyog ng mga nagdaang kalamidad.

Samantala sa pananalita naman ng Senior Agriculturist ng PCA na si G. Edilberto Escobar na napaka-palad ng Tagkawayan sapagkat ang alokasyon ng mahigit 7,000 sako ng Salt Fertilizer na ibinigay sa Tagkawayan ay halos 25% ng alokasyon sa buong lalawigan ng Quezon o katumbas ng para sa 10 Bayan, ito daw ay dahil sa pagiging "receptive" ng mga kababayan sa mga ganitong uri ng programa. Malaki aniya ang maitutulong nito sa mga magsasaka sapagkat kaya nitong pataasin sa unang aplikasyon sa niyugan ng halos 25% ang pamumunga ng bawat niyog at mas higit na napapatigas ang laman ng mga bunga at nababawasan ang moisture content nito dahilan para mas magging mabigat ang bawat niyog.  Kanya nading ipinaliwanag sa mga magsasaka ang tamang paraan ng Pagamit ng salt fertilizer na bukod sa mas mura ay mas may higit na benipisyong hatid sa mga magtatanim ng niyog.

Samantala ipinaliwanag naman ni G. Mendoza (MAO) na kung dati ay apat na sako
bawat ektarya lamang ang maaaring ipamahagi ng Pamahalaang Lokal at PCA, ngayon dahil sa dami ng supply na dumating maaari nang matugunan ang kabuuang pangangailangan ng mga magsasakang nais na kumuha depende sa lawak ng kanilang niyugan.

HIGIT 7 LIBONG SAKO NG COCONUT FERTILIZER IPAMAMAHAGI SA MGA MAGSASAKA SA TAGKAWAYAN

9:11 PM FARMING, NewsNow, PR, QUEZON, RADIOTAGKAWAYAN

TAGKAWAYAN NAGDIWANG NG BUWAN NG WIKA

Tagkawayan- Pinangunahan ni Kgg.Punong Bayan Jose Jonas A. Frondoso ang pagidiriwang ng Buwan ng Wika ngayong araw ika-19 ng Agosto kung saan ginugunita din ang araw ng kapanganakan ni dating Pangulo at Ama ng Wikang Filipino Manuel L. Quezon. Sa temang "Filipino: Wika ng Pambansang Kaunlaran" nagsama-sama ang mga Miyembro ng Sangguninag Bayan, mga Pinuno ng Tanggapan, Kawani ng Pamahalaang Lokal, Philippine National Police- Tagkawayan,Mga Guro, mga miyembro ng Nakatatandang Mamamayan (OSCA), mga Pamunuan ng Barangay mga Kabataan at mag-aaral.

Una nang isinagawa kahapon(Agosto 18) ang Patimpalak sa Pagguhit na nilahukan ng mga mag-aaral sa elementarya at sekundarya na ngayong umaga naman ginawa ang pagpili ng mga nagwagi sa pamamagitan ng pagboto ng mga dumalo sa programa.

Sa kanyang mensahe sinariwa ni Mayor Frondoso ang kahalagahan ng "wika" sa kasaysayan ng bansa at kung paano ito ginamit upang makamtam ang Kalayaan at Kapayapaan na tinatamasa ng kasalukuyang henerasyon.

Samantala nagkaroon din ng pampasiglang bilang ang sektor ng nakatatandang mamayan sa pamamagitan ng pag-awit ng "Kundiman" ng isa sa mga miyembro nito mula sa Barangay Poblacion.

Sa pananalita naman ni Mam Maria Sarina Anonuevo kayang inihayag ang pasasalamat sa lahat ng sektor na nakikikiisa sa tuwing may mga programa at pagiriwang ang pamahalaang Lokal. -RADIO TAGKAWAYAN

Tingnan: Mga Larawan sa Pagdiriwang

TAGKAWAYAN NAGDIWANG NG BUWAN NG WIKA

8:47 PM NewsNow, QUEZON, RADIOTAGKAWAYAN, TAGKAWAYAN