RADIO TAGKAWAYAN: #REDalert

Wednesday, July 1, 2015

Ganap nang bagyo ang Low Pressure Area (LPA) sa silangan ng Luzon na pinangalanang 'Egay.'

Namataan ng PAGASA ang sentro ng tropical depression sa layong 520 kilometro (km) silangan ng Virac, Catanduanes, alas-10:00 Huwebes ng umaga.
Taglay ng Bagyong Egay ang lakas ng hangin na aabot sa 45 kilometer per hour (kph) malapit sa sentro nito. Kumikilos ito pa-hilaga hilagang-kanluran sa bilis na 5 kph.
Magdadala ang bagyo ng katamtaman hanggang mabigat na pag-ulan sa loob ng 300 km diameter nito.

Pinapayuhan ang mga mangingisda na huwag nang pumalaot sa silangang baybayin ng Bicol Region at Silangang Visayas.
Inaasahang makararating ang Bagyong Egay sa silangan ng Casiguran, Aurora sa Sabado ng umaga at sa silangan ng Tuguegarao City sa Linggo.

Wala pang nakataas na public storm warning signal.
Via DZMM

Bagyong #EgayPH Update 1

11:54 PM #REDalert, BREAKING, National, RADIOTAGKAWAYAN

Tuesday, March 31, 2015

Photo by abs-cbnnews.com

April 1, 2015- Sa loob ng magdamag habang papalapit sa PAR line lalo pang nakaipon ng lakas ang Bagyong Maysak (International Name) na tatawaging Chedeng oras na makapasok sa Philippine Area of Responsibility. Sa huling pagtaya ng PAGASA umaabot na sa 215 Kilometro bawat oras ang taglay nitong lakas ng hangin habang 250kph na ang pagbugso.Huli itong namataan sa layong 1,410 km Silangan ng Surigao City.

Bagama't sa mga International weather bureau ay nasa kategorya na ito ng "Super typhoon" hindi pa ito ginagamit ng PAGASA sapagkat sa kanilang bagong panununtunan, aakyat lamang ito sa nasabing kategorya oras na pumalo ito sa lakas na nasa 220kph.

Photo from NOAA

Sa tantya ng PAGASA posibleng sa Biyernes o Sabado, mag-landfall sa Northern o Central Luzon ang bagyo at partikular na maaapektuhan ang Aurora, Cagayan, Isabela, Quezon at Bicol region.

Pinaalalahanan ang mga Taga-Southern Luzon, Bicol at Easter Visayas sa masamang panahon at malalaking alon dahil sa lakas at lawak ng bagyo.