UGNAYAN SA PAARALAN NA INORGANISA NG BRAVO COMPANY 74TH IB, TAGUMPAY

1LT Carlito Santiago, Commanding Officer, Bravo Company 74th IB at Particiapnts

Tagkawayan,Quezon- Humgit kumulang 150 mag-aaral ng Bagong Silang National High School, Tagkawayan,Quezon ang nabigyan ng Kaalaman,Inspirasyon at Hamon mula sa isinagawang "UGNAYAN SA PAARALAN" na Inorganisa ng Bravo Company 74th IB ng Armed Forces of the Philippines. Ito ang unang Ugnayan sa Paaralan na isinagawa ng 74th IB mula ng ma-assign sila sa Tagkawayan noong nakalipas na taon. May tema itong "Uganayan sa Kabataan,Daan tungo sa Kapayapaan at Kaunlaran".

Sa panayam ng Radio Tagkawayan, sinabi Company Commander 1LT Carlito Santiago na ang nasabing aktibidad ay simula pa lamang ng mga ganitong programa sa mga Paaralan at Komunidad ng kanilang grupo.Sinabi naman niya sa kaniyang pananalita hangarin ng mga ganitong programa na makatulong sa mga kabataan sa pagbibigay ng mga mahahalagang impormasyon at kaalaman sa mga mag-aaral lalo pa at nasa estado ang mga ito ng pagiging idealistic at importante ang paghubog sa kanila sa tamang paraan.

Si 1Lt Carlito Santiago kasama ang isa sa mga participants

Dumalo sa nasabing Ugnayan ang mga kinatawan ng Municipal Health Office, Department of Social Welfare and Development, Philippine National Police, Bureau of Fire Protection at pamunuan ng Barangay Bagong Silang sa pangunguna ni Kap. Srgio C. Alcedo.

Sa unang Bahagi ng programa, ipinakita ng 74th IB ang iba't-ibang aktibidad at programang pang-komunidad ang kanilang ginawa, at gagawin sa kanilang pamamalagi sa Bayan ng Tagkawayan. Sa pamamagitan ng Audio-Visual Presentation nakita ng mga mag-aaral na hindi lang paghawak ng baril,at pagbitbit ng bala at pagkikidigma  ang kanilang papel sa mamamayan kundi ang boluntaryong pagggawa sa mga proyekto ng Pamahalaan at magging ng mga Non-Governmental Organizations (NGO's).

Samatala, binigyan naman ng malalim na pagtalakay ng mga kinatawan ng Municipal Helath Office angis yu ang adolescence sa pagpapanood sa mga participants ng AVP presentation. Matapos ito, tinalakay din ng mga "Nurse ng Bayan" ang mga impormasyon kaugnay ng Rabies, Dengue, Malaria at ang mga schedules ng pagdulog sa pambayang Health Center.

Pinangunahan ni Dra. Coraciel  Yang Lim (Dentist), Mr. Ivan Lorenz D. Go (Sanitation Inspector 1)

Ms. Princess Ghey C. Nova (Malaria Surveillance Personnel), Nurse  Jowee Ann D. Bravo at Nurse Angelo James Aquino.

Tinalakay naman ni Mr. Alexander Villete na kumatawan sa DSWD ang issue ng Gender Equality at ang importansya ng kawalan sa lipunan ng tinatawag na "gender bias" .

Naging seryoso ang mga kabataan nang talakayin ni SPO1 Mitchelle B. Acana kasama si PO1 Shandy Villafuerte ang isyu ng pagkalat ng ipinagbabawal na droga kahit sa mga liblib na Barangay maging sa Bagong Silang kung saan kaniyang ibinunyag ang pagkakahuli sa isang supek na itinuturing na mula sa nabanggit na lugar. Ipinaliwanag din ng mga Kinatawan ng Tagkawayan Municipal Police Station ang mga Batas, parusa at dinetalye ang mga maaring sapitin kahit ng mga kabataan na mahuhuling gumagamit o nagbebenta ng anumang illegal na droga.Nagbabala din siya sa mga sorpresang visitation at inspection sa mga paaralan na aniya'y target ngayon ng mga sindikato ng droga. Dagdag niya katuwang mismo ang mga guro at pamunuuan ng Barangay sa nasabing kampanya sa pagsugpo ng pagkalat ng illegal drugs lalo na sa mga Kabataan.

Binigyang diin din niya na ang dumadaming bilang ng mga nabibiktima ng mga "Gang Rape" ay dahil mismo sa impluwensya ng drogra sa mga kabataan.

Pag-iwas sa sunog at kung paano makaliligtas sa mga sakuna, ito naman ang tinalakay ng mga kinatawan ng BFP sa pangunguna ni SFO1 Cleto S. Natano (Chief Operations & Chief FSES)kasama sina FO1 Gladys Hurtado at iba pa.Itinuro nila ang mga tamang gawin kung may sunog at kung anu ang posibleng maging paunang pamatay sunog ganun din ang mga dapat at hindi dapat gawin kung mabiktima ng pagpaso o "burn" ang isang tao. At sa huli ay ang "emergency drill" na nagturo sa mga estudyante at guro ng mga gagawin sa oras ng kalamidad tulad ng Lindol.

Samantala binigyan din ng 74th IB ng token ang mga mag-aaral na dumalo sa nasabing ugnayan tulad ng ball-pen at handmade bracelets. Habang tinanggap naman ng mga Guro sa pangunguna ng kanilang O.I.C na si Mrs. Elizabel Bongalos ang isang Electric-fan na  idinonate ng Bravo Company.

Sa pagbubuod naman inihayag ng mga estudyante sa pangunguna ng SSG President ng BSNHS ang pasasalamat sa mga ahensya ng pamahalaan na naglaan ng oras para sa nasabing aktibidad at sa 74th IB ng AFP na siyang nag-organisa ng nasabing Ugnayan sa Paaralan.

-radiotagkawayan

In Photos:

UGNAYAN SA PAARALAN NA INORGANISA NG BRAVO COMPANY 74TH IB, TAGUMPAY

8:48 PM BREAKING, EXCLUSIVE, RADIOTAGKAWAYAN, TAGKAWAYAN

MGA MAGSASAKA, NAGTAPOS SA FIELD SCHOOL ON ORGANIC VEGETABLE PRODUCTION

Photo:(L-R) Kons.Ernie O. Herras, Kons. Carlo Eleazar, Kons. Ferdinand Valencia, Kons Fernando Violante, Hon.Mayor Jose Jonas A. Frondoso, Mr. Mar Lapitan (ATI- Region IV), MAO Rolly Mendoza/ RadioTagkawayan

Municipal Organic AgriPark-Pinangunahan ni Kgg. Jose Jonas A. Frondoso at ni MAO Rolando Mendoza ang pagtatapos ng mga magsasaka mula sa iba't-ibang Barangay na naging eskwela sa matagumpay na Field School on Ornganic Vegetable Production. Isang programa katuwang ang Agricultural Training Institute Region IV, na kinatawan naman ni Mr. Mar Lapitan (Project Assistant-ATI IV).
Dumalo rin sa nasabing seremonya ang mga Pinuno ng tanggapan ng Lokal na Pamahalaan, mga Miyembro ng Sangguiang Bayan at ilang mga Punong Barangay.
Samantala binigyan diin ni Mayor Frondoso ang pagsuporta ng Pamahalaang Lokal sa ganitong programa lalo pa at malaking ambag sa industriya ng pagsasaka ng ganitong uri ng pamamaraan ng pagtatanim.
Sa mensahe naman ni MAO Mendoza kanyang hiniling ang tuloy-tuloy at pagpapalaganap ng mga natutunan ng mga nagsipagtapos sa 16 na linggong hands-on training sa paraan ng pagattanim, paggawa ng mga organikong pestisidyo at mga pataba na kung saan ang mga produktong ginamitan nito ay mas mabilis na mabili sa merkado partikular sa Panlalawigang bagsakan ng mga produktong pang-Agrikultura.

Sa panig naman ng mga nagsipagtapos ipinahayag nila ang kanilang kasiyahan sa kanilang mga natutunan sa nasabing pag-aaral at bilang tugon ay bumuo sila ng kanilang Association upang sama-sama nilang ipagpatuloy ang pagpapalaganap ng nasabing pamamaraan ng pagsasaka. Sa huli, nagkaroon din ng mga pa-raffle ang Municipal Agriculture's Office kung saan may nanalo ng power sprayer,knapsack sprayer, hand sprayer, mga binhi at organic fertilizers.

-radiotagkawayan

In Photos:

MGA MAGSASAKA, NAGTAPOS SA FIELD SCHOOL ON ORGANIC VEGETABLE PRODUCTION

11:39 PM AGRIBEAT, BREAKING, EXCLUSIVE, FARMING, RADIOTAGKAWAYAN

PANALANGIN, HILING NG BAGONG OBISPO NG DIOCESE OF GUMACA

Bishop-elect Victor Ocampo

Tagkawayan,Quezon- Humiling ng panalangin ang bagong hirang na Obispo ng Bansa para sa kanyang bago at mas malawak na tungkulin sa ministeryo ayon sa ulat ng CBCP News.

Ayon kay Bishop-Elect Victor Ocampo aminado siya na nakakatakot ang laki ng kaniyang magiging responsibilidad sa pagpastol ng isang Diyosesis subalit nakikita rin niya ito bilang biyaya ng Panginoon.

“Like what Pope Francis said after his election, pray for me,
I feel unworthy (of the position). I’m afraid of what lies ahead because I’ve been just a parish priest for the last 35 years,

pahayag ng bagong Obispo na nakatakdang ordinahan sa Katedral ng Balanga sa August 29.

Ayon pa kay Msgr. Ocampo, tiwala siya sa Panginoon sa paghirang sa kanya bilang bagong Obispo ng Diyosesis ng Gumaca sa lalawigan ng Quezon. Hunyo 2, ng ipaalam sa kanya ng Papal nuncio na si Archbishop Guiseppe Pinto ang pagkakahirang sa kanya ni Pope Francis bilang obispo. Sinabihan umano siya ng nuncio na magnilay sa pananalangin at ihanda ang kanyang "letter of acceptance" na kanya namang ipinadala sa Santo Papa noong Hunyo 8. 

 Msgr. Victor Ocampo| Photo: MB

Hunyo 12, naman ng i-anunsyo ng Vatican ang nasabing paghirang.Kasalukuyan siyang Chancellor ng Diocese of Balanga at Parish Priest ng Parokya ng Santo Domingo sa bayan ng Abucay,Bataan.

Si Msgr. Ocampo ay ipinanganak sa Angeles City Pampanga taong 1952 at na-ordinahan sa pagka-Pari sa Balanga noong 1977. Mula noon, naglingkod siya sa iba't-ibang pang-pastoral at pang-diyosesis na tungkulin at ang pinaka huli ay ang pagiging chancellor ng Diyosesis ng Balanga simula 2008.

Maliban dito naging Kora Paroko din siya sa St. Dominic de Guzman Parish sa Abuvay,Balanga simula 1986; Direktor ng Biblical Apostolate simula din 1986, Direktor ng Commission on the Family and Life mula 2008, at miyembro ng College of Consultors mula 2013.

Samantala ang Diyosesis na una niyang paglilingkuran bilang Obispo ay isa sa pinaka malaki sa buong Pilipinas na may humigit-kumulang isang (1) Milyong katoliko at may nasa 130 kaparian/

“Gumaca is very religious. There’s high percentage of Catholics and they have more priests compared in Bataan,” 

Samantala ikinagalak naman ni Bishop Ruperto Santos ng Diyosesis ng Balanga ang pagkakahirang kay Msgr. Ocampo:

God favors the Diocese of Balanga. It is God's grace. It is because of His goodness. On this celebration of the firm and faithful 40th year foundation of our beloved Diocese. We receive best fruit, a harvest of hundredfold. Our Pope Francis appointed our own Msgr. Victor Ocampo as Bishop of Gumaca," he said."Bishop-elect Victor Ocampo is our gift to the Philippine Church and to the Church of Gumaca in particular. We are grateful to God. We glorify Him for doing great and gracious things to our Bataan.

With Reports from CBCP News/SunStar

PANALANGIN, HILING NG BAGONG OBISPO NG DIOCESE OF GUMACA

8:26 PM BREAKING, QUEZON, RADIOTAGKAWAYAN, TAGKAWAYAN

MAGNITUDE 4.1 NA LINDOL YUMANIG SA ILANG BAHAGI NG SOUTH LUZON

June 13- ala-1:03 Sabado ng hapon ng yanigin  ng lindol ang ilang bahagi ng Southern Luzon partikular  ang Calatagan, Batangas.

Sa datos ng Philippine Institute of Volcanology and Seismology (Phivolcs), tumama ang tectonic na lindol 19 na kilometro sa hilagang-kanluran ng Calatagan sa lalim na 114 kilometro.

Sa unang earthquake bulletin na inilabas ala-1:12 ng hapon, naitala ang lakas ng lindol sa magnitude 3.9 subalit itinaas ito ng Phivolcs sa magnitude 4.1 sa sumunod na bulletin.

Dama ang intensity 3 na pagyanig sa Puerto Galera sa Oriental Mindoro maging sa Paluan at Abra de Ilog sa Occidental Mindoro.

Intensity 1 naman ang nadamang pagyanig sa Muntinlupa City.

Walang inaasahang aftershocks at pinsala kasunod ng lindol.

Puspusan ang paghahandang ginagawa ngayong mga panahon ng MMDA at iba pang ahensya ng pamahalaan para sa pinangangambahang "The Big One" o ang posibilidad ng paggalaw ng West Valley fault.


With reports from DzMM 

MAGNITUDE 4.1 NA LINDOL YUMANIG SA ILANG BAHAGI NG SOUTH LUZON

12:42 AM BREAKING, National