RADIO TAGKAWAYAN

PINARANGALAN NI PANGULONG AQUINO SI DATING AGRICULTURE SECRETARY WILLIAM DAR AT TATLUMPU’T DALAWA PANG IBANG OVERSEAS FILIPINO INDIVIDUALS AND ORGANIZATIONS, SA SEREMONYANG GINANAP SA MALACANAN.

ANG MGA PINARANGALAN AY YUNG NAPAGBUTI ANG BUHAY NG MGA PILIPINO SA IBAYONG DAGAT, SUMUPORTA SA MGA RELIEF, REHABILITATION, AT DEVELOPMENT PROGRAMS SA BANSA, AT YUNG MGA NAGING BANTOG SA KANILANG LARANGAN O PROPESYON.

TUBONG STA.MARIA, ILOCOS SUR, TINANGGAP NG 61 TAONG GULANG NA SI DR. DAR MULA KAY PANGULONG AQUINO ANG “PAMANA NG PILIPINO AWARD” AT KINILALA ANG KANYANG MATAGUMPAY NA PAGPAPALAGANAP NG SCIENCE AND TECHNOLOGY UPANG TIYAKIN ANG SEGURIDAD SA PAGKAIN NG LAHAT, GAYUNDIN ANG KANYANG ADBOKASIYA SA MAHALAGANG GINAGAMPANAN NG NG MGA PROPESYONAL NA HORTICULTURISTS PARA MAKAMTAN ANG LAYUNING NABANGGIT.

HINIMOK NI PANGULONG AQUINO ANG MGA AWARDEES, KABILANG ANG BANTOG NA MANG-AAWIT NA SI LEA SALONGA, NA IPAGPATULOY ANG KAHUSAYAN, GAMPANAN ANG KANYA-KANYANG PAPEL SA PAGPAPAUNLAD SA BANSA, AT IPAKITA SA BUONG MUNDO ANG DI-MAPAPANTAYANG GALING NG PILIPINO.

AYON KAY DR. DAR, ISANG MALAKING KARANGALAN ANG TUMANGGAP NG PAMANA AWARD KAYA’T INIAALAY NIYA ITO SA MGA PILIPINONG MAGSASAKA. NANANABIK SIYA NA PAGLINGKURAN MULI ANG MGA MAGSASAKA PAGBALIK NIYA SA PILIPINAS SA SUSUNOD NA TAON.

P-noy pinarangalan dating DA chief, 32 iba pang namumukod tanging Pilipino

8:06 PM PR, RADIOTAGKAWAYAN, RATSADA

MATAPOS ANG PANANALASA NI BAGYONG RUBY, AGARANG NAGPADALA NG MULTI-MISSION BOAT ANG BUREAU OF FISHERIES AND AQUATIC RESOURCES PARA SA QUICK RESPONSE AT RELIEF OPERATIONS SA MGA APEKTADONG LUGAR.

SAMPUNG UNITS NG M-C-S AT DALAWAMPUT ANIM NA UNIT NG 30-FOOTER PATROL BOATS ANG HANDANG GAMITIN PARA SA MGA RELIEF ACTIVITIES.

NAKIPAG-UGNAYAN ANG BFAR SA N-D-R-R-M-C AT SA D-S-W-D PARA I-EXTEND ANG PAGGAMIT NG MGA BANGKA NANG MAGING MAS MABILIS AT MAS MAAYOS ANG PAGHAHATID NG TULONG SA MGA KOMUNIDAD NA APEKTADO NG BAGYONG RUBY.

AYON KAY BFAR DIRECTOR ASIS PEREZ, MAAGA NILANG SINEGURO AT PINOSISYON ANG MGA MULTI-MISSION BOATS NG AHENSYA PARA TUMULONG SA RESCUE AND RELIEF OPERATIONS NG PAMAHALAAN.

ITO ANIYA AY BAHAGI NG MGA MAAGAP NA HAKBANG NG AHENSYA PAGDATING SA MGA KALAMIDAD TULAD NG BAGYO. NAIS ANIYA NG AHENSYA NA MAPAGAAN ANG PINSALANG DULOT NG BAGYO, GAYUNDIN ANG AGARANG PAG-RESPONDE SA MGA EMERGENCY.

DA-BFAR agarang nagpadala ng tulong para sa nasalantang mangingisda

8:03 PM PR, RADIOTAGKAWAYAN, RATSADA

DALAWANG TEKNOLOHIYA NA DINEVELOP NG ISANG AHENSYA NG D-A ANG NAGPAKITA NG POTENSYAL NA PAGANDAHIN ANG KALIDAD NG CASSAVA AT BAWASAN ANG GASTOS SA PAG-ANI NITO.

AYON SA PHILIPPINE CENTER FOR POSTHARVEST DEVELOPMENT AND MECHANIZATION O PHILMECH, ANG NADEVELOP NILANG CASSAVA DIGGER ATTACHMENT AT ANG COMMERCIAL CASSAVA BELT DRYER AY MAARING MAKAPAGPARAMI SA PRODUKSYON NG CASSAVA.

SABI NI PHILMECH DIRECTOR REX BINGABING, ANG DEVELOPMENT AT TESTING NG DALAWANG EQUIPMENT AY NAGPAKITA NG MAGANDANG RESULTA. NANINIWALA SILA ANIYA NA ANG DALAWANG TEKNOLOHIYA AY MAARING MAGDULOT NG MALAKING PAGBABAGO SA INDUSTRIYA NG CASSAVA SA BANSA.

AYON SA PHILMECH, ANG CASSAVA DIGGER NA NAKAKABIT SA FOUR-WHEEL TRACTOR AY MAKATUTULONG NA BAWASAN ANG GASTOS SA PAG-ANI NG CASSAVA. ISANG MANGGAGAWA LAMANG ANG KAILANGAN PARA I-OPERATE ITO AT KAYA NITONG MAKAPAG-ANI MULA 1.8 HANGGANG TATLONG EKTARYA NG TANIMAN NG CASSAVA SA LOOB NG ISANG ARAW.

SAMANTALA, INAASAHANG MATUTUGUNAN NG COMMERCIAL CASSAVA BELT DRYER ANG PROBLEMA SA PAGPAPATUYO NA NARARANASAN NG MGA CASSAVA FARMERS LALO NA SA PANAHON NG TAG-ULAN.

Dalawang teknolohiyang binuo ng PhilMech, malaki ang potensyal

8:02 PM AGRIBEAT, RADIOTAGKAWAYAN, RATSADA

PINARANGALAN NG DEPARTMENT OF AGRICULTURE ANG DALAWAMPU’T DALAWANG NATATANGING INDIBIDWAL AT GRUPO SA SEKTOR NG AGRIKULTURA’T PANGISDAAN SA GINANAP NA 2014 NATIONAL GAWAD SAKA AWARDING.

PINANGUNAHAN NI AGRICULTURE SECRETARY PROCESO ALCALA ANG AWARDING CEREMONIES SA PHILIPPINE INTERNATIONAL CONVENTION CENTER, PASAY CITY, NOONG NAKARAANG HUWEBES.

KABILANG SA MAHIGIT TATLONG DAANG KATAONG NAGSIDALO AY SI SENATE COMMITTEE ON AGRICULTURE CHAIRPERSON CYNTHIA VILLAR, MGA D-A NATIONAL AT REGIONAL OFFICIALS, AT MGA LIDER SA KOMUNIDAD NG MGA NANALONG MAGSASAKA, MANGINGISDA, RESEARCHERS, AT AGRI-ENTREPRENEURS.

AYON KAY ALCALA, ANG MGA NATATANGING KAMPEYON SA PAGSASAKA ANG NAGLALAPIT SA ATIN PARA ANG PILIPINAS AY MAGING GLOBALLY COMPETITIVE SA AGRIKULTURA. PATULOY ANIYA ANG KANILANG MATATAG NA UGNAYAN SA PAMAHALAAN PARA GAWING SAPAT ANG PAGKAIN SA BANSA.

TINANGHAL BILANG OUTSTANDING RICE FARMER SI GERARDO ESTEBAN NG LAUR, NUEVA ECIJA, SAMANTALANG SI EULOGIO CABILES NG SAN MANUEL, TARLAC ANG HINIRANG NA OUTSTANDING CORN FARMER.

TUMANGGAP SILA AT SAMPU PANG INDIVIDUAL AWARDEES AT MGA OUTSTANDING FAMILY FARMERS NG 200,000 PESOS CASH PRIZE. TUMANGGAP RIN NG PRESIDENTIAL TROPHY AT PRESIDENTIAL CITATION ANG MGA NAGWAGI.